सावदा येथे दोन दिवसात चार कोंबड्यां मृत : पक्षी पालकात चिंतेचे वातावरण
मंडे टू मंडे वृत्तसंकलन।
सावदा (प्रतिनिधी)। येथील मस्कावद रोडवरील गौसियानगर मधील रहिवासी शेख निसार शेख नबी यांच्या दोन दिवसांत चार कोंबड्यांचा मृत्यू झाल्याने बर्ड फ्लूच्या पश्वभूमीवर सावदा येथे भीतीचे वातावरण आहे.
काल गौसियानगर भागात शेख निसार शेख नबी यांच्या कडकनाथ जातीच्या दोन कोंबड्यांचा मृत्यू झाला. सुरवातीला ह्या कोंबड्यांना सुस्ति येऊन काही वेळातच मृत पावत आहे. काल प्रमाणे आजही अशाच प्रकारे दोन देशी कोंबड्यांचा मृत्यू झाल्याने परिसरात चिंतेचे वातावरण आहे. संबंधित पशुवैद्यकीय अधिकारी, पशुसंवर्धन अधिकारी यांनी याची त्वरित दखल घ्यावी. गेल्या आठ दिवसापूर्वी खिर्डी ता.रावेर येथे पाच ते सात दिवसात जवळ जवळ १५ कोंबड्याच्या मृत्यू झाला होता .
