जिल्हा परिषद मराठी शाळा विवरे खुर्द येथे प्रजासत्ताक दीन साजरा
रावेर, मंडे टु मंडे न्युज नेटवर्क l रावेर तालुक्यातील जि.प.मराठी शाळा विवरे खुर्द ता.रावेर येथे ७६ वा प्रजासत्ताक दिन उत्साहात साजरा करण्यात आला.शाळा व्यवस्थापन समिती विवरे खुर्द यांनी ध्वजारोहण करण्याचा मान सर्वसंमतीने शाळेचे ग्रेडेड मुख्याध्यापक विजय कोल्हे सर यांना दिला.त्यांच्या शुभहस्ते ध्वजारोहण करण्यात आले.
या प्रसंगी विवरे खुर्द चे सरपंच सौ स्वराताई पाटील, ग्राम पंचायत सदस्य,शाळा व्यवस्थापन समिती अध्यक्ष रामदास चौधरी,शाळा व्यवस्थापन समिती सदस्य ,पोलीस पाटील योगेश महाजन, देशदूत चे उपसंपादक चंद्रकांत विचवे ,शाळेचे सेवानिवृत्त मुख्याध्यापक तथा शिक्षण तज्ञ हर्षवर्धन तायडे सर , माजी पं स सदस्या सौ योगीताताई वानखेडे. ग्रामस्थ,पालक , शिक्षकवर्ग ,अंगणवाडी सेविका, मदतनीस, व गावातील शिक्षण प्रेमी नागरिक मोठ्या संख्येने उपस्थित होते.सर्वांची सामुहिक प्रभातफेरी काढण्यात आली.
जिल्हा परिषद शाळेत प्रजासत्ताक दिनानिमित्त विद्यार्थ्यांनी सांस्कृतिक कार्यक्रम सादर केले. यात देशभक्तीपर समुहनृत्याने सर्वांची मने जिंकलीत.तसेच चित्रकला व रांगोळी स्पर्धा देखील घेण्यात आल्या. या प्रसंगी दुर्गेश निलेश पाटील मोरगाव खुर्द यांनी विद्यार्थ्यांना बालमित्र पुस्तिका व कु प्राची विकास चौधरी यांनी शैक्षणिक साहित्य वाटप केले. शाळेच्या वतीने त्यांचे आभार व्यक्त करण्यात आले. शेवटी विद्यार्थ्यांना खाऊ वाटप करून कार्यक्रमाची सांगता करण्यात आली. कार्यक्रम यशस्वीतेसाठी सौ प्रभावती नेहेते मॅडम, श्रीमती मंगला डोळे मॅडम, दिपक सोनार सर, श्रीमती कुमुदिनी महाजन मॅडम, श्रीमती मनिषा चौधरी मॅडम, श्रीमती कांचन पाटील मॅडम यांनी परिश्रम घेतले.
