मुक्ताईनगर तालुक्यातील सरपंच पदासाठी ६१ ग्रामपंचायतींचे आरक्षण जाहीर
मुक्ताईनगर, मंडे टु मंडे न्युज प्रतिनिधी | मुक्ताईनगर तालुक्यातील ६१ ग्रामपंचायतीच्या सरपंचपदाच्या आरक्षण सोडती तहसीलदारांच्या उपस्थितीमध्ये काढण्यात आल्या. यात अनुसूचित जातीसाठी ८ त्यात महिलांसाठी ४, अनुसूचित जमातीसाठी ११ त्यात महिलांसाठी ६, ओबीसी करिता १० त्यात महिलांकरिता ५ तर खुल्या प्रवर्गासाठी ३२ आरक्षण त्यात महिलांसाठी १६ जागा राखीव अशा एकूण ६१ ग्रामपंचायतींचे सरपंच पदा साठी चे आरक्षण काढण्यात आले.
अनुसूचित जाती साठी, राजुरे, शेमळदे, हिवरे, इच्छापुर यासह बेलसवाडी, हरताळे, खामखेडे, चिंचोल हे ४ महिलांसाठी आरक्षित झाले आहेत.
अनुसूचित जमाती साठी अंतुर्ली, रुईखेडा, भोटा, मेहूण, पिंप्राळा यासोबत चांगदेव, धामणगाव, पारंबी, निमखेडी खुर्द, कुऱ्हा, टाकळी हे ६ गाव महिलांसाठी राखीव आहेत.
ओबीसी आरक्षणा मध्ये दुई, सुकळी, बोरखेडा, कोऱ्हाळा, मानेगाव यांचेसह महालखेडा, काकोडा, तरोडा, चिखली, पातोंडी हे ५ गावे महिलांकरिता आरक्षित झाले आहेत.
सर्वसाधारण प्रवर्गामध्ये एकूण ३२ गावे आहेत. त्यात चिंचखेडा खुर्द, हलखेडा, लोहारखेडे, बोदवड, पिंपरीपंचम, धामणदे, निमखेडी बुद्रुक, मेळसांगवे, सातोड, सुळे, जोंधनखेडा, पिंपरी अकाराऊत, वढवे, कर्की, कोथळी ही १६ गावे महिलांसाठी राखीव आहेत.
सर्वसाधारण प्रवर्गासाठी निश्चित असलेल्या इतर १६ गावांमध्ये सारोळा, वायला, पुरनाड, उचंदा, घोडसगाव, नायगाव, मोंढळदे, नरवेल, माळेगाव, पिंपरीनांदू, थेरोळा, चिंचखेडे बुद्रुक, वढोदा, नांदवेल, पंचाणे, चारठाणा या गावांचा समावेश आहे. अशा एकूण ६१ गावांसाठी सरपंच पदासाठीचे आरक्षण सोडत काढण्यात आले.
बातम्यांच्या अपडेट मिळवण्यासाठी आम्हाला फॉलो करा
