दुःखद बातमी : सावदा स्वामीनारायण देवस्थानाचे प्रमुख कोठारी शास्त्री भक्ती किशोर दासजी अनंतात विलीन
सावदा, ता. रावेर. मंडे टु मंडे न्युज नेटवर्क l सावदा स्वामीनारायण देवस्थानाचे प्रमुख कोठारी शास्त्री भक्ती किशोर दासजी यांना आज देवाज्ञा झाली असून संपूर्ण परिसरात शोकाकुल वातावरण निर्मित झाले आहे.
यासंदर्भात मिळालेली माहिती अशी की, आध्यात्मिक क्षेत्रातील एक उदयोनमुख प्रसन्न व्यक्तिमत्व सावदा येथील स्वामीनारायण गुरुकुलाचे प्रमुख कोठारी शास्त्री किशोरदासजी .वय ४५ वर्ष. यांची प्रकृती ढासळल्यामुळे त्यांना भुसावळ येथील खाजगी रुग्णालयात उपचारासाठी दाखल करण्यात आले होते. येथेच आज सकाळी त्यांची प्राणज्योत मालवली
शास्त्री किशोरदासजी यांनी सावदा येथील गुरुकुलचे प्रमुख म्हणून कामगिरी ही बजाविली असून परिसरात त्यांचा मोठ्या प्रमाणात भक्त परिवार आहे. ते वेदांत व्याकरण संस्कुत या विषयात डबल पीएचडी केली होती. त्यांचेवर गुजरात येथील स्वामीनारायण संप्रदायाचे वडताल धाम येथे ,२९ जून शनिवार रोजी संतपरंपरे प्रमाणे अंत्यसंस्कार करण्यात येतील. त्यांच्या आकस्मिक जाण्यामुळे परिसरातून शोक संवेदना व्यक्त होत आहे.
