साकळी येथे पिसाळलेल्या माकडाच्या हल्ल्यात एक मुलगा व गाय जखमी.
मंडे टू मंडे वृत्तसंकलन।
सकाळी,ता. यावल,मंडे टू मंडे वृत्तसेवा– यावल तालुक्यातील साकळी येथे गेल्या काही दिवसांपासून जंगली पिसाळलेल्या माकडांनी उच्छाद मांडला असून हे माकडे नागरिकांच्या अंगावर धावून जात आहे.गावातील लहान मुलांना व गुराढोरांना चावा घेणे,बोचकणे असे प्रकार घडत आहे.दरम्यान या पिसाळलेल्या माकडांच्या हल्ल्यात गावातील एक पाच वर्षाचा मुलगा तसेच एक गाय गंभीरपणे जखमी झालेली आहे. त्यामुळे गावातील नागरिकांमध्ये भीतीचे व दहशतीचे वातावरण निर्माण झाले असून या माकडांचा वनविभागाकडून त्वरीत बंदोबस्त करण्यात यावा अशी मागणी जोर धरीत आहे.
याबाबत सविस्तर असे की, गावात गेल्या काही दिवसांपासून काही जंगली माकडे आलेले असून ही माकडे गावातील गल्लीबोळात बिनधास्तपणे फिरत आहे.ते कधी कोणाच्या घराच्या गच्चीवर तर कोणाच्या ओट्यावर अंगणात, अंगणातील झाडांवर बसत आहे व एका ठिकाणाहून दुसऱ्या ठिकाणी मुक्तपणेअसा संचार करीत आहे. गावातील लोकही या माकडांना खायला देत आहे तर माकडांना पाहण्यासाठी लहान मुले गर्दी करत आहे व आपले मनोरंजन करीत आहे. मात्र या माकडांनी गावात गेल्या काही दिवसांपासून नागरिकांना भंयकर असा त्रास देणे सुरू केलेले आहे. त्यातल्या त्यात लहान मुलांवर हल्ला करीत आहे. त्यामुळे नागरिकांमध्ये आता गावात भीतीचे वातावरण निर्माण झालेले असल्याचे दिसून येत आहे.
दरम्यान भवानी माता मंदिर परिसरातील साळी प्लॉट भागातील रहिवाशी असलेल्या कुंदन इंदर बेलदार (वय- ५ वर्ष ) या मुलावर दुपारच्यावेळी अंगणात खेळत असतांना अचानकपणे एका माकडाने त्यामुलावर गंभीरपणे हल्ला केला. त्यावेळी हा मुलगा आपला जीव घेऊन पळत असतांना या मुलाच्या पायाला माकडाने पकडून बोचकले आहे व चावा घेण्याचा प्रयत्न सुद्धा केलेला आहे. माकडाच्या हल्ल्यात सदर मुलगा गंभीर जखमी झालेल्या असून त्याच्या पायाला दुखापत झालेली आहे. त्याच्यावर साकळी येथील प्राथमिक आरोग्य केंद्रात उपचार करण्यात आले आहे त्याच वेळेला चौधरी वाडा भागातील हेमंत नथ्थु चौधरी यांच्या गाईला मागील बाजूस पकडून त्या गायीच्या शेपटीला चावा घेत गंभीर जखमी केले आहे. त्या गाईच्या शेपटीला चावा घेतल्याने जखमी गाईवर गावातील पशुवैद्यकीय दवाखान्यात उपचार करण्यात आलेले आहे. तसेच प्रल्हाद पाटील यांच्या गोऱ्हयावर सुद्धा माकडाने हल्ला केलेला असून त्याला सुद्धा जखमी केले आहे.
एकूणच गावात मुक्त संचार करणारे माकडे आता पिसाटले असून गावकऱ्यांवर विशेष करुन लहान मुलांवर व पशुधनावर हल्ला करू लागल्याने गावकर्‍यांमध्ये भीतीचे व दहशतीचे वातावरण निर्माण झालेले आहे. जर एखाद्या संतप्त माकडाच्या हल्ल्यात एखादी लहान मुलगा सापडला तर त्याचा जीवही जाऊ शकतो एवढी गंभीर परिस्थिती या माकडांच्या त्रासाने गावात निर्माण झालेली आहे. तरी संबंधित वनविभागा या सर्व घडलेल्या गंभीर घटनांचे गांभीर्य ओळखून तात्काळ गावात मुक्तपणे संचार करणार्‍या माकडां चा बंदोबस्त करावा अशी मागणी ग्रामस्थांकडून केली जात आहे.दरम्यान साकळी ग्रामपंचायतीच्या वतीने ग्राम विकास अधिकारी हेमंत जोशी यांनी संबंधित यावल नविभागाच्या अधिकार्‍यांना संपर्क करून माकडांच्या त्रासाविषयी अधिकाऱ्यांना अवगत करून दिले असून या पिसाळलेल्या माकडांच्या हल्ल्यामुळे गावातील नागरिकही धास्तावला आहे ही बाब अधिकाऱ्यांच्या लक्षात आणून दिली आहे.तरी या माकडांचा त्वरित बंदोबस्त करण्यात यावा अशी ग्रामपंचायतीच्या वतीने मागणी करण्यात आली आहे.
