गाईंची अवैध वाहतूक करणारा कंटेनर पकडला,३० ते ३५ गाईची मुक्तता
मंडे टू मंडे वृत्तसंकलन।
सावदा,ता.रावेर.मंडे टू मंडे वृत्तसेवा। ३०ते ३५ गाई असलेला रावेर कडून फैजपूर कडे अवैध रित्या जात असलेला दहा चाकी कंटेनर सावदा पोलिसांनी पकडून त्या गाईची मुक्तता करून गाईंना जीवदान दिले.
दि.९ सप्टेंबर गुरुवार रोजी संध्याकाळी ८ वाजेच्या दरम्यान रावेर कडून फैजपूर कडे अवैध मार्गाने गोवंश वाहतूक होत असल्याची माहिती सावदा पोलिसांना मिळाल्याने सावदा पोलिसांनी सापडा रचत फैजपूर कडे जात असलेल्या दहा चाकी कंटेनरला सावदा- फैजपूर रस्त्यावरील रिलायन्स पेट्रोल पंपा जवळ पकडून तपासणी केली असता त्यात जवळ-जवळ ३० ते ३५ गाई कोंबलेल्या आढळून आल्या,पोलिसांनी त्या गाईची मुक्तता करून त्यांना जळगाव कुसूंम्बा येथील बाफना गो शाळेत पाठवल्या,कंटेनरचा चालक फरार असून पुढील तपास सावदा पोलीस करत आहेत.
