अत्यंत दुर्दैवी : गोबर गॅसच्या टाकीने घेतला रोझोदा येथिल चिमुकलीचा जिव !
मंडे टू मंडे वृत्तसंकलन।
सावदा, मंडे टू मंडे वृत्तसेवा : शहरापासून जवळच असलेल्या रोझोदा गावांतील परी पुष्कर फेगडे या ६ वर्षीय चिमुकलीचा गोबर गॅसच्या टाकीत पडून दुर्दैवी मृत्यु झाल्याची अत्यंत दुर्दैवी घटना आज दुपारी घडली या घटनेमुळे एकच शोककळा पसरली असून परिसरात समाजमन सुन्न झाले आहे.
याबाबत अधिक असे की, चिमुकली परी ही मुलगी दुपारी 1 वाजेच्या सुमारास खेळत असतांना गोबर गॅसच्या कुंडाजवळ गेल्यानंतर त्यात ती पडली दुपारची वेळ असल्याने समोर कोणी नसल्याने व कुंड खोल असल्याने घटना लक्षात आली नाही. परंतु बराच वेळ होऊनही चिमुकली परी दिसत नसल्याने शोध घेतला असता घटना समजे पर्यंत खुप उशीर झाला व यात दुर्दैवाने गोबरगॅसच्या टाकी मध्ये चिमुकलीचा स्वास कायमचाच कोंडला गेला मृत्यू झाला. चिमुकली परी ही इयत्ता दुसरीत शिकत होती. तिचे पश्च्यात आई, वडील, भाऊ, आजी, आजोबा असा परिवार असून ती लक्ष्मण ज्ञानदेव फेगडे यांची नात होती. या घटनेमुळे रोझोद्यासह परिसरात एकच शोककळा पसरली आहे.
