अवैध गुटखा विक्रेत्यावर अन्न – औषध प्रशासनाची मोठी कारवाई, 3 लाख 67 हजाराचा गुटखा जप्त
मंडे टू मंडे वृत्तसंकलन
सावदा,ता.रावेर,मंडे टू मंडे वृत्तसेवा ।। येथील दुर्गामाता चौकातील लखन ट्रेडर्स वर अन्न व औषध प्रशासन विभागाने मोठी कारवाई केली असून तीन लाख 67 हजाराचा गुटखा जप्त करण्यात आल्याने सावदा शहर व परिसरात मोठी खळबळ उडाली आहे.
आज सकाळी 11 वाजे पासून अन्न व औषध प्रशासनाच्या अन्न सुरक्षा अधिकारी रामचंद्र एन भरकड व किशोर ये साळुंखे यांना मिळालेल्या गोपनीय माहितीवरून त्यांनी ही कारवाई केल्याचे त्यांनी प्रतिनिधींशी बोलताना सांगितले, सदरच्या कारवाईने परिसरतील अवैधगुटखा विक्रेत्यामध्ये मोठी खळबळ उडाली असून दरम्यान सावदा पोलिसात गुन्हा दाखल करण्याचे काम सुरू आहे, याप्रकरणी एका जणांवर गुन्हा दाखल करण्यात येऊन अटक करण्यात आली असून सावदा शहरात एवढ्या मोठ्या प्रमाणात अवैधगुटखा विक्री सुरू असतांना याची खबर सावदा पोलिसांना नसेल काय ? असा प्रश्न देखील यानिमित्ताने निर्माण झाला असून अन्न व औषध प्रशासनाच्या या सदरच्या कारवाईने सावदा पोलिसांच्या कार्यक्षमतेवर प्रश्न चिन्ह निर्माण होत आहे.
