सावदा येथे पत्रकार दिनानिमित्त कवियत्री शांताताई शेळके यांचे जीवनावर व्याख्यान
मंडे टू मंडे वृत्तसंकलन।
सावदा,ता.रावेर,मंडे टू मंडे वृत्तसेवा। सावदा येथे दि ६ जानेवारी पत्रकार दिनानिमित्त ओरिजनल पत्रकार संघ सावदा यांचे तर्फे जेष्ठ कवियत्री तथा पत्रकार शांताताई शेळके यांचे जीवनावर जाहीर व्याख्यानाचे आयोजन करण्यात आले असून याकार्यक्रमाचे वाख्याते नितीनजी मटकरी प्राध्यापक के.सी.ई. सोसायटी जळगाव हे असून सदर कार्यक्रम सावदा येथील विश्रामगृहा समोरील प्रजापिता ब्रम्हकुमारी विद्यालय येथे सकाळी 11 वाजता संपन्न होणार आहे.
यावेळी कोरोना काळात मयतांवर अंत्यसंस्कार करणारे कोरोना योद्धा तसेच जेष्ठपत्रकार, समाजसेवी व्यक्ती यांचा सत्कार देखील आयोजीत करण्यात आला असून याकार्यक्रमाच्या अध्यक्षस्थानी आ. श्री. चंद्रकांत पाटील तर उद्दघाटक म्हणून प्रांतअधिकारी फैजपूर श्री. कैलास कडलग हे राहणार असून यावेळी प्रमुख पाहुणे म्हणून मुख्याधिकारी श्री. किशोर चव्हाण, स.पो.नी. सावदा श्री. देविदास इंगोले, कु. वैशाली दीदी प्रजापिता ब्रम्हकुमारी विद्यालय सावदा आदी मान्यवर उपस्थित राहणार असून सर्व कोरोना नियम पाळून सदर कार्यक्रम संपन्न होणार असून कार्यक्रमास उपस्थित राहण्याचे आवाहन ओरिजनल पत्रकार संघ सावदा तर्फे करण्यात आले आहे,
