सावदा येथील लेवा पाटील समाज सभागृह लेवा समाजा कडे हस्तांतरित करण्याची निवेदनव्यारे मागणी
मंडे टू मंडे वृत्तसंकलन।
सावदा, ता.रावेर,प्रतिनिधी। येथील लेवा पाटील समाजाने मागणी केल्यानुसार कोचूर रोड वरील न.पा. बहुउद्देशिय सभागृहाचे पश्चिम बाजुस गट नं. ६४९/६५० मधील २० आर क्षेत्राच्या जागेवर लेवा पाटील समाजाचे सभागृहाचे बांधकाम करण्यात यावे व सदरील बांधकाम पुर्ण झाल्यावर लेवा समाजाकडे हस्तांतरीत करावे असा पालिकेने ठराव केला होता
त्या नुसार लेवा पाटील समाज सभागृहाचे बांधकाम पूर्ण झाले असून सदर सभागृह लेवा समाजाचे मागणीनुसार हस्तांतरणाचा प्रस्ताव शासनाकडे सादर करावा व मंजुरी आले नंतर लेवासमाजासाठी सदर सभागृह हस्तांतरीत करणेत यावे. असा पालिकेने केलेल्या ठरावा प्रमाणे पुढील कारवाई करून पालिकेने सदर सभागृह लेवा समाजाकडे हस्तांतरित करावे . या साठी आज रोजी सावदा नगरपालिका मुख्याधिकारी किशोर चव्हाण यांना लेवा समाजाकडून निवेदन देण्यात आले, यावेळी शरद भारंबे,भरत नेहते, माजी नगरसेवक भानुदास भारंबे, माजी नगरसेवक धनंजय चौधरी, महेश भारंबे आदी बांधव उपस्थित होते. निवेदनावर असंख्य लेवा समाज बांधवांच्या सह्या आहेत.
