सावदा व परिसरात बसवेश्वर महाराज जयंती उत्साहात साजरी
सावदा,ता.रावेर,मंडे टू मंडे न्युज वृत्तसेवा। सावदा व परिसरात बसवेश्वर महाराज यांची जयंती उत्साहात आणि आनंदात साजरी करण्यात आली. सकाळी ९:३० वाजता लिंगायत कोष्टी वाड्यातील समाज मंदिरात बहुसंख्येने समाज बांधव महिला व पुरुष यांची उपस्थितीत बसवेश्वर महाराज यांना अभिवादन करून प्रतिमेला पुष्पहार अर्पण करण्यात आले.
त्यानंतर सकाळी ठीक दहा वाजेला सावदा नगरपालिका येथे प्रशासकीय अधिकारी सचिन सोळके यांच्या हस्ते महात्मा बसवेश्वर महाराज यांच्या प्रतिमेचे विधीवत पूजन करून पुष्पहार अर्पण करण्यात आले. याप्रसंगी सावदा नगरपरिषद कर्मचारी महेश चौधरी, किरण चौधरी, आकाश तायडे, विजय चौधरी, राजू साळी, सतीश पाटील आधी कर्मचारीवृंद तसेच पत्रकार राज चौधरी सर, प्रदीप कुळकर्णी सर, दीपक सरवदे, कैलास लोहंगडे आणि बहुसंख्य समाज बांधव उपस्थित होते. येथील कार्यक्रम आटोपल्यावर लगेच १०:३० वाजेला सावदा पोलीस स्टेशन येथे बसवेश्वर महाराज यांची जयंती उत्साहात साजरी झाली. डी. वाय. एस. पी. डॉ. कुणाल सोनवणे यांचे हस्ते महाराजांच्या प्रतिमेचे पूजन करून पुष्पहार अर्पण करण्यात आले. याप्रसंगी सावदा पोलीस स्टेशनचे कर्तव्यदक्ष ए.पी.आय. देविदास इंगोले तसेच महिला व पुरुष कर्मचारी उपस्थित होते. लिंगायत समाज बांधव श्रीकांत शिवपुजे, गणेश कोष्टी, किशोर आंबेकर, सतीश नारळे, विकास बावणे, संजय गरूडे, प्रशांत सरवदे, अभिजीत बारघरे, सुनील उमराणे, बाळू विनंते, बाळू बंन्नापुरे, राजेश रेवाळे, सुभाष बारघरे, संदीप बारघरे, सागर कानडे. पत्रकार बांधव भानुदास भारंबे,कैलास लवंगडे, राज चौधरी सर, प्रदीप कुळकर्णी, दीपक श्रावगे, आदी उपस्थित होते.
