विद्यार्थी व छात्राध्यापकांनी साने गुरुजींच्या विचारांचे अनुकरण करावे-डॉ.एस.टी.भुकन
मंडे टू मंडे वृत्तसंकलन।
सावदा,ता.रावेर,मंडे टू मंडे न्युज वृत्तसेवा। प्रगती विद्यालय रोझोदा येथे बक्षीस वितरण समारंभ व बी.एड आंतरवासिता उपक्रमासाठी आलेल्या छात्राध्यापकांच्या निरोप समारंभाचा कार्यक्रम पार पडला.
रोझोदा,ता.रावेर येथील प्रगती विद्यालयात झालेल्या कार्यक्रमाचे अध्यक्ष एस.जी.व्ही.पी.कॉलेजचे प्राचार्य डॉ.एस.टी.भूकन सर होते. प्रमुख अतिथी डॉ.एन.एन.लांडगे सर होते,दीपप्रज्वलनाने कार्यक्रमाची सुरुवात झाली, यानंतर विद्यार्थ्यांना बक्षीस वितरण करण्यात आले.व आंतरवासितासाठी आलेल्या छात्राध्यापकांचा निरोप घेण्यात आला,छात्राध्यापक सरला नरवाडे व संतोष पाटील यांनी मनोगत व्यक्त केले. विद्यार्थ्यांनी शिस्त व मनाच्या स्वच्छतेसाठी साने गुरुजींचे आचरण करावे असे आवाहन डॉ. एस.टी.भुकन सर, यांनी विद्यार्थ्यांना मार्गदर्शन करताना सांगितले व शुभेच्छा दिल्या. प्रगती विद्यालयाचे मुख्याध्यापक पी.टी.लासुरे सर व अर्चना बोरोले मॅडम यांनी भावी आयुष्यासाठी शुभेच्छा दिल्या. प्रस्तुत कार्यक्रमास सर्व शिक्षक व कर्मचारी वृंद, विद्यार्थी,बी.एड. छात्राध्यापक उपस्थित होते. कार्यक्रमाचे सूत्र संचालन सुनील महाजन सर यांनी केले,तर आभार संतोष धांडे सर यांनी केले.
