अज्ञात वाहनांच्या धडकेत मस्कावद येथील युवकांचा मृत्यू !
सावदा ता. रावेर, मंडे टू मंडे वृत्तसेवा : शहरापासून जवळच असलेल्या मस्कावद येथील फोटोग्राफर तरूणाचा दुचाकी अपघातात मृत्यू झाल्याची घटना काल सोमवारी रात्री ११ वाजता घडली याप्रकरणी जिल्हापेठ पोलीसात अकस्मात मृत्यूची नोंद करण्यात आली असून शुन्य क्रमाकाने सावदा पोलीसांनी नोंद वर्ग करण्यात आला आहे.
मस्कावद बुद्रुक येथे कुटुंबासह वास्तव्यास असलेला तुषार पांडूरंग इंगळे हा तरुण फोटोग्राफीचे व्यवसाय करत होता. कामानिमित्त तुषार काल सायंकाळी सावदा येथे मित्र विशाल वानखेडे यांच्यासोबत दुचाकीने आला होता. रात्री १०: १५ वाजेच्या सुमारास तुषार हा मित्र विशाल यांच्यासोबत दुचाकीने सावदा येथून मस्कावद येथे दुचाकीने घरी परतत असतांना जाफर लॉन्स जवळपास अज्ञात वाहनाने जोरदार धडक दिल्याने या अपघातात तुषार हा गंभीर जखमी झाला त्यामुळे उपचारासाठी तातडीने जिल्हा शासकीय वैद्यकीय महाविद्यालयात नेत असतांना रस्त्यात त्याचा दुदैवी मृत्यू झाला. तुषारचे वडिलांचे एक महिन्या आधीच निधन झाले आहे. त्यात आता तुषारचा अपघाती निधनाने इंगळे परिवारावर दु:खाचा डोंगर कोसळला आहे. जिल्हा शासकीय वैद्यकीय महाविद्यालयात शवविच्छेदन करण्यात आले असून जिल्हापेठ पोलीसात अकस्मात मृत्यूची नोंद करण्यात आली असून शुन्य क्रमाकाने सावदा पोलीसांनी नोंद वर्ग करण्यात आला आहे. पुढील तपास पोलीस कर्मचारी करीत होता.
