बाळासाहेब ठाकरे यांचे जयंती निमित्त पालिका रोजंदारी पाणी पुरवठा कर्मचाऱ्यांचा सत्कार
मंडे टू मंडे वृत्तसंकलन।
सावदा,ता.रावेर,मंडे टू मंडे वृत्तसेवा। सावदा येथे हिंदुहृद्य सम्राट बाळासाहेब ठाकरे यांच्या ९६ व्या जयंतीनिमित्त पालिका पाणीपुरवठा कर्मचारी यांचा शिवसेने तर्फे सत्कार करण्यात आला. येथील विश्राम गृह येथील प्रांगणात शिवसेना प्रमुख बाळासाहेब ठाकरे यांच्या ९६ व्या जयंती निमित्त प्रतिमा पूजन शिवसेना शहर प्रमुख भरत नेहते यांचे हस्ते तालुका उपप्रमुख धनंजय चौधरी,शामकांत पाटील ,मिलींद पाटील ,शरद भारंबे ,प्रमोद भंगाळे, अतुल नेहते यांचे उपस्थितीत रविवार संध्याकाळी साडे सहा वाजता करण्यात आले.
यावेळी शहरात पाणीपुरवठा करणारी मांगलवाडी येथील तापी पात्रातून आलेली पाईप लाईन रेल्वे च्या लहान पुला खाली फुटली तिची दुरुस्ती कठीण जागा असताना लवकरात लवकर शहरास पाणी पुरवठा करणारी पाईप लाईन दुरुस्त करून शहराचा पाणीपुरवठा सुरळीत करून शहर वासीयांची तहान भागवली त्या बद्दल ठाकरे यांच्या जयंती निमित्त त्या कर्मचाऱ्यांचा सत्कार शिवसेनेच्या वतीने करून त्यांचा सन्मान करण्यात आला .यावेळी रोजनदारी कर्मचारी सचिन बोडे,विकास भंगाळे,धनंजय पाटील,सुरेश चौधरी,अशोक कुऱ्हाडे आणि प्रल्हाद कुऱ्हाडे यांचा सत्कार करण्यात आला. या वेळी युवा सेना प्रमुख मनीष भंगाळे,नितीन महाजन,सुनील राणे,गणेश माळी,चंद्रकांत पाटील,शब्बीर खा अय्युब खां, हुसेन खा अय्युब खा उपस्थित होते.
