सावदा येथे नगरपालिका व ओरिजनल पत्रकार संघा तर्फे १ फेब्रुवारी रोजी वृक्षारोपण
मंडे टू मंडे वृत्तसंकलन।
सावदा (प्रतिनिधी)। सावदा येथे गांधी जयंतीचे औचित्य साधुन माझी वसुंधरा अभियान अंतर्गत सावदा नगरपालिका व ओरिजनल पत्रकार संघ, सावदा. संलग्न- महाराष्ट्र राज्य मराठी पत्रकार संघ मुंबई, यांचे संयुक्त विद्यमाने १ फेब्रुवारी सोमवार रोजी दुपारी ४ वाजता भव्य वृक्षारोपण कार्यक्रमाचे आयोजन करण्यात आले असून यावेळी १०० वॄक्षाचे रोपण करण्यात येणार आहे.
येथील कोचूर रोड तसेच जूना सावदा रोड आदी ठिकाणी हे वॄक्षारोपण करण्यात येणार असून यासाठी विविध ठिकाणी खड्डे खोदण्यात येत असून उपस्थिति मान्यवरांचे हस्ते वॄक्षा रोपण करण्यात येणार आहे यावेळी नगरपालिकेचे पदाधिकारी व कर्मचारी, ओरिजनल पत्रकार संघ सावदा चे पदाधिकारी व शहरातील मान्यवर व्यक्ति उपस्थित राहणार असून याच दिवशी दुपारी ३ वा पालिकेने माझी वसुंधरा या अभियाना अंतर्गत विविध पेट्रोल व डीझेल पासून होणारे प्रदूषण टाळता यावे यासाठी इलेक्ट्रॉनिक गाड्याना प्रोत्साहन मिळावे म्हणून नगर पालिकेचे जवळ पालिकेचे वतीने इलेक्ट्रॉनिक गाड्या चार्जिंग साठी मोफत चार्जिंग पॉइंट उभारण्यात आला असून याचा शुभारंभ देखील याच दिवशी होणार आहे
यावेळी या सर्व कार्यक्रमास नागरिकांनी उपस्थिति रहावे असे आवाहन सावदा नागरपालिकेचे मुख्याधिकारी सौरभ जोशी व ओरिजनल पत्रकार संघ सावदा चे अध्यक्ष- युसुफ शहा,उपाध्यक्ष-कैलास लवंगडे, सचिव-दीपक श्रावगे, सल्लागार- भानुदास भारंबे,सदस्य सर्वश्री कैलास परदेशी, प्रदीप कुळकर्णी, शेख फरीद, शरीफ पिंजारी, सौ.कविता सकळकळे आदींनी केले आहे.
