सावदा येथे घरास लागलेल्या आगीत दोन लाखांचे नुकसान
मंडे टू मंडे वृत्तसंकलन।
सावदा ,मंडे टू मंडे वृत्तसेवा। सावदा येथील एका घरास सकाळी शॉटसर्किट मुळे लागलेल्या आगीत घरातील अत्यावश्यक सामानासह रोकड जळून खाक झाली .
येथील भोईवाडा भागातील रहिवासी किशोर रामा राणे यांचे रहाते घरास दि 10 रोजी सकाळी 6 वाजे दरम्यान अचानक शॉटसर्किट झाल्याने आग लागली व ती घरभर पसरली कोणाला काही समजण्याचे आत आग पसरल्याने यात घरातील वस्तूंन सह घरात कामानिमित्ताने आणलेली रोख रक्कम जळून खाक झाली, तर कुटुंब तात्काळ घराबाहेर पडल्याने अनर्थ टळला मात्र या घटनेने सर्वत्र हळहळ व्यक्त होत आहे, घटनास्थळी सावदा नगरपालिकेच्या अग्निशमन पथकाने आग आटोक्यात आणली.आगीचा पंचनामा तलाठी शरद पाटील व सहकारी यांनी केला यात घरातील वाशिंग मशीन, कपडेलत्ते, इलेक्ट्रिक सामान, पंखा, इलेक्ट्रिक फिटिंग सामान, गोदरेज कपात, इतर सामान यासह सुमारे पन्नास हजार रुपये रोख रक्कम जळून खाक झाली असल्याचा पंचनामा केला, दरम्यान याकुटुंबास शासकीय आर्थिक मदत मिळावी अशी अपेक्षा व्यक्त होत आहे,
