सावदा-पिंपरुड रस्त्यावर भीषण अपघात : एक महिला ठार, ५जण जखमी !
सावदा ता.रावेर, मंडे टू मंडे वृत्तसेवा : सावदा-पिंपरुड रस्त्यावर दोन चारचाकी गाड्यांचा इंडिका व फॉर्च्यूनर या दोघा गाड्यांचा आज २ डिसेंबरं सकाळी १०: ४५ वाजेच्या सुमारास मोठा अपघात झाला असून यात एका महिलेचा मृत्यू झाला असून दोन गंभीर जखमी तर तीन किरकोळ जखमी झाले आहे.
याबाबत सविस्तर माहिती अशी, रावेर तालुक्यातील वाघोदा येथील केळीचे व्यापारी भरत सुपे यांच्याकडे लग्न असल्याने लग्न समारंभाच्या अनुषंगाने खरेदीसाठी घरातील दोन महिला व मुले जळगावकडे सकाळी फॉर्च्युनर गाडी क्रमांक DL10E6165 ने जात असताना, सावदा ते पिंपरुळ दरम्यान गाडीस ओव्हरटेक करणाऱ्याच्या प्रयत्नात असलेल्या इंडिका गाडी क्रमांक MH19AP2612 यांचेत अपघात झाला. यानंतर फॉर्च्युनर गाडी खुल्या शेतात घुसली व दोन मोठ्या झाडावर आदळली, हा अपघात एवढा भीषण होता की फॉर्च्यूनर गाडीचा पूर्णपणे चक्काचूर झाला आहे लिंबाच्या दोन वृक्ष तोडत शेजारच्या शेतात फेकली केली.
या अपघातात वाघोदा येथील भावना भरत सुपे वय-४८ यांचा मृत्यू झाला, तर 5 जण जखमी झाले आहे. मयत ह्या पंचायत समितीचे माजी उपसभापती भरत सुपे यांच्या पत्नी असून, दि.5 रोजी त्यांच्याकडे लग्न होते. वराच्या आईचा मृत्यू झाल्याने परिसरात एकच हळहळ व्यक्त होत आहे. यात असलेले अन्य प्रवासी गंभीर जखमी असून त्यांच्यावर सावदा व जळगांव येथे उपचार सुरू असून त्यांची प्रकृती स्थिर आहे. तर इंडिका गाडीतील रावेर येथील व्ही एस नाईक विद्यालयाचे चेअरमन यांच्या परिवारातील रेखा हेमंत नाईक(४०) प्रतीक हेमंत नाईक (२०) प्रीती हेमंत नाईक (१८) राहणार रावेर हे जळगाव वरून लग्न समारंभ आटपून घराकडे जात होते. पुढील तपास सावदा पोलीस करीत आहे.
सदरील घटना घडली त्यावेळेला जळगाव पोलिसांचे आरसीबी प्लाटून हे सावदा मार्ग पिंपरुड महामार्गावरून रावेर येथे जात असतांना अपघाताच्या घटनेची माहिती कानांवर आल्याने आरसीबी प्लाटून हजर असल्याने क्षणाचाही विलंब न करता स्वतःच्या पोलीस व्हँन मधे जखमींना तात्काळ दवाखान्यात भरती केल्यामुळे त्यांचा जीव वाचण्यास मदत झाली.
