तरुणाची राहत्या घरात गळफास घेऊन आत्महत्या,रोझोदा येथील घटना
सावदा,ता.रावेर, मंडे टू मंडे वृत्तसेवा। रावेर तालुक्यातील सावदा येथून जवळच असलेल्या रोझोदा येथील तरूणाने राहत्या घरात दोरीने गळफास घेवून अत्महत्या केल्याची घटना उघडकीला आली.
या बाबत अधिक वृत्त असे की,सचिन जगन्नाथ फेगडे,वय-३९, रा.रोझोदा (ता. रावेर ) येथे आपल्या कुटुंबियांसह वास्तव्याला असून २६ डिसेंबर रोजी सचिन हा घरात एकटा असतांना दुपारी दीड वाजेच्या सुमारास घराच्या वरच्या मजल्यावर दोरीने गळफास घेवून आत्महत्या केल्याचे उघडकीस आले.नातेवाईक घरी आल्यावर हा प्रकार लक्षात आल्याने याप्रकरणी धनराज पाटील यांच्या खबरीवरून सावदा पोलीस ठाण्यात अकस्मात मृत्यूची नोंद करण्यात आली आहे.आत्महत्या करण्याचे नेमके कारण अद्याप कळू शकले नाही.
