ॲपेरिक्षाला स्कूलबसची धडक : ३ वर्षाची चिमुकली जागीच ठार, एक गंभीर जखमी !
रावेर, मंडे टू मंडे न्यूज वृत्तसेवा : रावेरच्या दिशेने येत असलेल्या ॲपेरिक्षाला खानापुर-बुरहानपुर- अंकलेश्वर महामार्गावर स्कूलबसने धडक दिल्याने रिक्षातील ३ वर्षाची चिमुकली जागीच ठार झाल्याचे धक्कादायक घटना घडली तर एक जण गंभीर जखमी झाले असून रुग्णालयात उपचार सुरु आहे.
मिळालेली माहिती अशी, तालुक्यातील आभाडे येथील सायबु बाबु तडवी (वय-३०) हे सासरवाडीवरून मध्यप्रदेशातील पातोंडा येथे पत्नीच्या भेट घेईन रावेरच्या दिशेने आपल्या तीन वर्षाची मुलगी महेक सायबु तडवी या चिमुकलीसह ॲपे रिक्षाने परतत असताना खानापूर जवळील नवीन चेक पोस्ट जवळ बऱ्हाणपुरकडे जाणाऱ्या स्कूल बसने ॲपेरिक्षाला जोरदार धडक दिली. ही धडक एवढी भीषण होती की या धडकेत ३ वर्षाची चिमुकली जागीच ठार झाली व तिचे वडील सायबु तडवी हे गंभीर जखमी झाले असून त्यांना ग्रामीण रुग्णालयात उपचार दाखल करण्यात आले आहे.
