लग्नाचे आमिष दाखवत महिलेवर अत्याचार, गुन्हा दाखल
चोपडा,मंडे टू मंडे न्युज नेटवर्क l लग्नाचे आमिष दाखवून वेळोवेळी तिच्यावर अत्याचार केला तसेच पीडितेला व तिच्या मुलांना जिवे मारण्याची धमकी दिल्या प्रकरणी चोपडा शहर पोलिस स्टेशनला निळकंठ शिरसाठ यांचे विरुद्ध गुन्हा दाखल करण्यात आला आहे.
आरोपी निळकंठ गंभीर शिरसाठ याने चोपडा शहरातील मुला बाळांसह एका ३२ वर्षीय महिलेला विश्वासात घेत २०२२ ते १२ आगस्ट २०२४ दरम्यान वेळोवेळी लग्नाचे आमिष दाखवत शारीरिक संबंध प्रस्थापित केले. त्या नंतर निळकंठ गंभीर शिरसाठ याने पीडित महिलेला या पुढे मला फोन करू नको नाहीतर तुझ्या मुलांना मारून टाकेन अशी धमकी दिली. आपली फसवणुक झाल्याचे लक्षात येताच पीडित महिलेने चोपडा शहर पोलिस स्टेशनला तक्रार दाखल केली त्या नुसार निळकंठ शिरसाठ यांचेवर गुन्हा दाखल करण्यात आला.
