लग्नाचे आमिष दाखवून अल्पवयीन तरुणीवर लैंगिक अत्याचार
जळगाव, मंडे टु मंडे न्युज नेटवर्क l अल्पवयीन तरुणीला लग्नाचे आमिष दाखवून जळगाव शहरातील आरएल चौफुली जवळील एका हॉटेलमध्ये नेऊन रवींद्र प्रभाकर मराठे (रा. सुप्रीम कॉलनी, जळगाव) या तरुणाने
तिच्यावर वेळोवेळी अत्याचार केल्याचा धक्कादायक प्रकार जळगाव शहरात समोर आला. या संदर्भात मंगळवार दि. ४ फेब्रुवारी रोजी सायंकाळी ४.३० वाजता एमआयडीसी पोलिस स्टेशनला तरुणांसह त्याला खोली उपलब्ध करून देणाऱ्या विरोधात गुन्हा दाखल करण्यात आला आहे.
जळगाव शहरातील रामानंदनगर परिसरात राहणाऱ्या एका तरुणीची ओळख ३ नोव्हेंबर २०२३ रोजी रवींद्र प्रभाकर मराठे, रा. सुप्रीम कॉलनी, जळगाव. याच्याशी झाली. रवींद्रने पीडित तरुणीला लग्नाचे आश्वासन देऊन तिचा विश्वास संपादन केला आणि नंतर तिला जळगाव शहरातील आरएल चौफुली जवळील एका हॉटेलमध्ये नेऊन तिच्यावर वेळोवेळी लैंगिक अत्याचार केला. या प्रकार दि. ३१ ऑगस्ट २०२४ पर्यंत सुरु होता.
पीडित तरुणीने या अत्याचाराच्या कृत्यांबाबत जळगाव एमआयडीसी पोलिस स्टेशनला तक्रार दिल्याने त्या तक्रारीनुसार, रवींद्र प्रभाकर मराठे याच्याव्यतिरिक्त मुलगी अल्पवयीन असल्याचे माहीत असतानाही हॉटेल उपलब्ध करून देणारा राज सुरेश तायडे (रा. जळगाव) याच्या विरोधातही गुन्हा दाखल करण्यात आला आहे. या पैकी एका संशयित आरोपीला अटक करण्यात आली आहे.
