पाडळसे येथे शिवजयंती उत्साहात साजरी
पाडळसे, ता. यावल, मंडे टु मंडे न्युज प्रतिनिधी l दि. 19 फेब्रुवारी 2025 महाराष्ट्राचे आराध्य दैवत छत्रपती शिवाजी महाराज यांची जयंती यावल तालुक्यातील पाडळसे गावात मोठ्या उत्साहात साजरी करण्यात आली. ग्रामपंचायत कार्यालय, महाकलेश्वर मंदिर ट्रस्ट आणि छत्रपती शिवाजी महाराज चौक येथे महाराजांची प्रतिमा ठेवून पूजा करण्यात आली. या ठिकाणी आकर्षक रांगोळी काढून आणि देखणी सजावट करून परिसर सुशोभित करण्यात आला.
यावल तालुक्यातील पाडळसे गावात शिवजयंती उत्सवाच्या निमित्ताने गावातील नागरिकांनी छत्रपती शिवाजी महाराजांच्या विचारांचा जागर केला. उपस्थित ग्रामस्थांनी महाराजांच्या प्रतिमेला अभिवादन करून त्यांचे विचार आणि संस्कार आत्मसात करण्याचा संकल्प केला.
या कार्यक्रमाला पाडळसे गावचे पोलीस पाटील सुरेश वामन खैरनार, तसेच सामाजिक कार्यकर्ते कुंदन कोळी, सुरज कोळी, संदेश भोई, संकेत भोई, कल्पेश कोळी, भरत चौधरी, मयूर कोळी, मयूर सपकाळे, बबलू कोळी, हेमंत कोळी, ललन कोळी यांसह मोठ्या संख्येने ग्रामस्थ उपस्थित होते.
