धक्कादायक : महिला पोलीस अधिकाऱ्याच्या अंगावर पेट्रोल ओतून जाळण्याचा प्रयत्न
मंडे टु मंडे न्युज नेटवर्क l एक धक्कादायक बातमी समोर आली असून महिला वाहतूक पोलीस अधिकाऱ्याच्या अंगावर पेट्रोल ओतून जाळण्याचा प्रयत्न करण्यात आल्याची धक्कादायक घटना पुण्यामध्ये घ़डली. शहारतील फरासखाना वाहतूक पोलीस स्टेशन समोर काल रात्री ८ वजेच्या सुमारास ही खळबळजनक घटना घडली. परंतु लागलीच पोलिसांनी धाव घेत आरोपीला रोखून त्या महिला पोलिसाला वाचवल्याने मोठा अनर्थ टळला.
मद्यपान करून नशेत धुंद असलेल्या संजय फकिरा साळवे
याने हे धक्कादायक कृत्य केल्याचं समोर आलं असून आरोपी संजय हा पिंपरी-चिंचवड येथे राहणारा असून त्याचं मूळ गाव हे जालना असल्याची माहिती मिळत आहे.
या प्रकरणी मिळालेल्या माहितीनुसार, शुक्रवार दि. ५ जुलै रोजी रात्री ८ वाजेच्या सुमारास फरासखाना पोलिस स्टेशनच्या हद्दीत हा धक्कादायक प्रकार घडला. तेथे ड्रंक अँड ड्राइव्हविरोधात कारवाई सुरू होती. तेव्हा महिला पोलिसाने तेथे संजय याला अडवलं आणि त्याची चौकशी सुरू केली. मात्र तेवढ्यात त्याने महिला पोलिसावर पेट्रोल आणि रॉकेल टाकत तिला जाळण्याचा प्रयत्न केला. पण तिथे हजार असलेल्या इतर पोलिसानी हा प्रकार पाहिला आणि सतर्कतने धाव घेत त्या आरोपीला रोखून महिला पोलिसाला वाचवलं. त्यामुळे मोठा अनर्थ टळला आणि महिला पोलिसाचाही जीव वाचला.
संजय फकिरा साळवे याला पोलिसांनी अटक केली असून त्याच्याविरोधात या प्रकरणी विश्रामबाग पोलिसांनी गुन्हा दाखल केला आहे.पोलिसांवर असा हल्ला झाल्याने मोठी खळबळ उडाली आहे.
