धक्कादायक : भर दुपारी कार मधून ५ लाख रुपये असलेली बॅग लंबविली, रावेर येथील घटना
रावेर, मंडे टु मंडे न्युज नेटवर्क l एका उभ्या कार मधून अज्ञात चोरट्यांनी ५ लाख रुपये रोकड असलेली बॅग लंबविल्याची घटना भर दुपारी सुमारे ३ वाजेच्या सुमारास घडली.
रावेर तालुक्यातील मोठा वघोदा येथील विशाल पाटील हे रावेर शहरात मंगळवार रोजी दुपारी आले असता त्यांनी त्यांची काळ्या रंगाची इनोव्हा कार क्र . एमएच १९ डीव्ही ०६६६ ही गाडी एका बँके समोर उभी करून ते काही लोकांशी बोलत उभे होते. त्याच वेळेस पाळत ठेवून असलेल्यांनी त्यांची नजर चुकवून अज्ञात चोरटयांनी त्यांच्या कारमधील ५ लाख रुपये असलेली बॅग लांबविल्याची धाडसी घटना मंगळवारी दुपारी ३ वाजेच्या सुमारास घडली.
सदरची घटना लक्षात आल्यावर विशाल पाटील यांनी रावेर पोलीस स्टेशनला या बद्दल माहिती दिली. त्यानुसार निरीक्षक डॉ. विशाल जयस्वाल यांनी घटनास्थळी पथकासह दाखल होऊन माहिती घेतली. दरम्यान, काही सीसीटीव्ही फुटेज तपासले असता त्यात काही चोरटे दिसत असल्याची माहिती मिळत आहे. याप्रकरणी रावेर पोलीस स्टेशनला गुन्हा दाखल करण्यात आला आहे. पोलिसांनी सीसीटीव्ही फुटेज तपासून चोरट्यांचा शोध लावणे सुरु केले आहे.
