बालविवाहित मुली सोबत धक्कादायक प्रकार, यावल तालुक्यातील घटना
यावल, मंडे टु मंडे न्युज नेटवर्क l यावल तालुक्यात एका बालविवाहित मुली सोबत धक्कादायक प्रकार उघडकीस आला. बालविवाहित पीडित मुलगी १४ वर्षांची असताना सांगली जिल्ह्यातील तिच्या आई-वडिलांनी मुलगी अल्पवयीन असल्याचे माहित असताना तिचा विवाह यावल तालुक्यातील एका मुलासोबत लावून दिला. पत्नी अल्पवयीन असताना तिच्या पतीने तिच्यावर अत्याचार केले, ज्यामुळे ती गर्भवती राहिली.
मिळालेली माहिती अशी की, सांगली जिल्ह्यातील रहिवाशी असलेल्या एका १६ वर्षीय मुलीचा दोन वर्षांपूर्वी १४ वर्षे वय असताना ती अल्पवयीन असल्याचे माहिती असताना तिच्या आई-वडिलांनी यावल तालुक्यातील एका गावात राहणाऱ्या मुलासोबत विवाह लावून दिला होता. मुलगी अल्पवयीन असताना तिच्या पतीने तिच्यावर अत्याचार केले, ज्यामुळे ती गर्भवती राहिली. हा प्रकार उघडकीस आल्यानंतर पोलिसांनी गुन्हा दाखल करून तो यावल तालुक्यात वर्ग करण्यात आला.
पीडित मुलीचा नवरा, सासरा, सासू आणि आई यांच्या विरोधात यावल पोलीस स्टेशनला गुन्हा दाखल करण्यात आला आहे. या घटनेचा पुढील तपास पोलीस उपनिरीक्षक पाराजी वाघमोडे करत आहेत.
