धक्कादायक : कुंभमेळ्यासाठी जाणाऱ्या ताप्ती – गंगा एक्सप्रेस वर दगडफेक, भाविकांमध्ये भीतीचे वातावरण
जळगाव, मंडे टु मंडे न्युज नेटवर्क l कुंभमेळ्यासाठी निघालेल्या १९०४५ क्रमांकाच्या रेल्वे गाडी वर जळगाव मध्ये दगड मारण्यात आला. सुरत छपरा ताप्ती गंगा एक्सप्रेस गाडी ही जळगाव स्टेशनवर आल्यानंतर दुपारी सव्वा तीन वाजेच्या सुमारास ही भुसावळकडे रवाना झाली त्यावेळी जळगाव स्टेशनपासून १ किलोमीटर अंतरावर अज्ञात समाज कंटकांनी एक दगड फेकल्याने बी-६ कोच मधील ३९ क्रमांकाच्या खिडकीचे काम फुटल्याची धक्कादायक घटना समोर आली आहे.
या वर्षी महाकुंभ मेळावा यंदा उत्तर प्रदेशातील प्रयागराज येथे भरणार आहे. १३ जानेवारी २०२५ ते २६ फेब्रुवारी २०२५ दरम्यान हा महाकुंभ मेळावा पार पडणार असून यासाठी देशातील कान्याकोपऱ्यातून भक्त प्रयागराज येथे महाकुंभ मेळावासाठी जात आहे. याच दरम्यान, महाकुंभला जाणाऱ्या रेल्वेवर दगडफेक करून बी६ कोचमधील काचेच्या काचा फुटल्या. ही घटना जळगावमध्ये घडली. त्यामुळे डब्यातील लहान मुले व महिलांसह प्रवाशांमध्ये भीतीचे वातावरण पसरले.
प्राप्त माहितीनुसार, आज महाकुंभ प्रयागराज ट्रेन, ताप्ती गंगा ट्रेन सुरतच्या उधना रेल्वे स्टेशनवरून निघाली होती. महाकुंभमेळ्यापूर्वी या ट्रेनमधून मोठ्या संख्येने भाविक शाही स्नानासाठी सुरतहून निघाले. बी६ कोचमधून सुरतचे भाविक प्रवास करत होते. या कोचमध्ये पाच मुले, सहा वृद्ध, १३ महिला आणि १२ पुरुष होते. हे सर्व सुरतचे भक्त होते आणि त्यांच्या व्यतिरिक्त ट्रेनमधील ४५% लोक कुंभासाठी प्रयागराजला जात आहेत.
ताप्ती गंगा ट्रेन उधना येथून निघून महाराष्ट्रात जळगावमधून जात होती. यादरम्यान रेल्वेवर दगडफेक करण्यात आली. त्यामुळे बी6 कोचमधील सीट क्रमांक ३८ च्या खिडकीच्या काचेच्या काचा फुटल्या. डब्यातील लहान मुले व महिलांसह भाविकांमध्ये भीतीचे वातावरण पसरले होते. या घटनेमुळे दोन ते तीन तास या प्रकरणाची माहिती कोणालाच मिळाली नसल्याने भीतीचे वातावरण पसरले होते. त्यानंतर एक व्हिडिओ तयार करून सोशल मीडियावर व्हायरल करण्यात आला.
दरम्यान काही रेल्वेतील प्रवाशांनी ट्विटरवर व्हिडीओ अपलोड केला आणि रेल्वे प्रशासनाला सहकार्य करण्याचे आवाहन केले. रेल्वे पोलीसांनी भुसावळ रेल्वे पोलीसांशी संपर्क साधुन घटनेची माहिती देण्यात आली आहे. एका समाजकंटाकडून दगडफेकल्याने एक खिडकीचे काम फुटले आहे. यासंदर्भात अज्ञात व्यक्तीविरोधात पोलीस ठाण्यात गुन्हा दाखल करण्यात आला आहे.
