धक्कादायक : बंदुकीचा धाक दाखवून तरुणीवर बलात्कार
मंडे टु मंडे न्युज नेटवर्क l एका २६ वर्षीय तरुणीवर पुण्यातील स्वारगेट एसटी डेपोमध्ये उभ्या असलेल्या शिवशाही बसमध्ये बलात्कार झाल्याची घटना ताजी असतानाच अशीच धक्कादायक घटना कोल्हापूर मधून उघडकीस आली. बंदुकीचा धाक दाखवून तरुणीवर बलात्कार करण्यात आला. इतकेच नव्हे, तर नराधम आरोपी विश्वजीत सचिन जाधव याने शरीरसंबंधांचे व्हिडिओ व्हायरल करण्याची धमकी देत वारंवार बलात्कार केल्याची फिर्याद दाखल करण्यात आली आहे. नराधम आरोपी कोल्हापुरातील लक्षतीर्थ वसाहतीतील रहिवाशी आहे. या घटनेने पुण्यानंतर कोल्हापूर जिल्हा हादरला आहे.
शरीर संबंधाचे व्हिडिओ व्हायरल करेल अशी धमकी देत व बंदुकीचा धाक दाखवत आरोपी तरुणीवर वारंवार बलात्कार करत होता असं तरुणीने फिर्यादीमध्ये म्हटले आहे. २०१८ पासून वेळोवेळी वेगवेगळ्या ठिकाणी तरुणीवर आरोपीने बलात्कार केला.
दोन वेळा इच्छेविरुद्ध गर्भपात करायला लावल्याची धक्कादायक माहिती तरुणीने पोलिसांना दिली असून या घटनेमुळे कोल्हापूरमध्ये खळबळ उडाली आहे. सध्या कोल्हापूरचे शाहुपुरी पोलिस या प्रकरणाचा तपास करत आहेत. या घटनेप्रकरणी लक्षतीर्थ वसाहत येथील विश्वजीत सचिन जाधव या तरुणावर शाहूपुरी पोलिस ठाण्यामध्ये गुन्हा दाखल करण्यात आला आहे.
