इंटरनॅशनल आर्टस कॉम्पिटिशन स्केचिंग स्पर्धेत सिद्धी भारंबे ने पटकावले मेडल !
सावदा, मंडे टू मंडे न्युज वृत्तसेवा : रंगोत्सव सेलेब्रेशन,
मुंबई यांच्यामार्फत घेण्यात आलेल्या इंटरनॅशनल आर्टस कॉम्पिटिशनमध्ये सावदा येथिल सिद्धी मिलिंद भारंबे हिने स्केचिंग मध्ये प्राविण्य मिळवले आहे.
मुंबई येथिल रंगोत्सव सेलेब्रेशन यांच्यामार्फत घेण्यात आलेल्या इंटरनॅशनल आर्टस कॉम्पिटिशन स्पर्धा आयोजित करण्यात आली होती. या परीक्षेत ग्रीटिंग कार्ड बनवणे, हस्ताक्षर, स्केचिंग, टॅटू मेकिंग, कलरिंग अशा विविध विषयांवर स्पर्धेचे आयोजन करण्यात आले होते.
या स्पर्धेत जे. टी. महाजन सेमी-इंग्लिश मीडियम स्कूल येथिल सावदा येथिल विद्यार्थ्यांनी सिद्धी मिलिंद भारंबे हिने स्केचिंग मध्ये प्राविण्य मिळवत मेडल पटकावले आहे.
या यशस्वी विद्यार्थिनीचे शाळेचे प्राचार्य नंदकिशोर सोनवणे यांच्या हस्ते बक्षीस देऊन गौरविण्यात आले. यशस्वी विद्यार्थ्यांचे संस्थाध्यक्ष शरद महाजन, प्राचार्य नंदकिशोर सोनवणे व सर्व संचालक मंडळातील सदस्य तसेच
प्राचार्य मोझेस जाधव यांनी कौतुक केले. तिच्या या यशाबद्दल तिचे सर्वत्र कौतुक होत आहे.
