भरधाव वाहनांची दुधाच्या पिकअप व्हॅनला जोरदार धडक; अपघाताचा थरार सीसीटीव्ही कॅमेऱ्यात कैद ! मुक्ताईनगरात अवजड वाहतुक पुन्हा सुरू !
मुक्ताईनगर, प्रतिनिधी | शहरात अवजड वाहनांना वाहतूकिने पुन्हा एकदा डोके वर काढले असून परवानगी नसतांना आज सकाळी सातच्या सुमारास दुधाने भरलेली गाडी रस्त्याच्या कडेला उभी असताना कांद्याने भरलेल्या अवजड वाहतुकीच्या ट्रकला ओव्हरटेक करताना बोलेरो पिकप गाडीने दुधाने भरलेली असलेल्या गाडीला जोरदार धडक दिली सुदैवाने जीवितहानी टळली मात्र हाच अपघात दुपारच्या वेळेस झाला असता तर एखादा मोठा अपघात झाला असता. हा अपघाताचा थरार सीसीटीव्ही कॅमेऱ्यात कैद झाला आहे.
आज सकाळच्या सुमारास साई डेअरी मुक्ताईनगर यांच्या मालकीची दूध वाहक गाडी (एम एच 19 सी वाय 9021) ही गाडी सकाळी रस्त्याच्या कडेला उभी असताना तेथून अवजड वाहतूक करणारा ट्रक जात होता त्याला ओव्हरटेक करत असताना बोलेरो पिकप ने ह्या उभ्या असलेल्या गाडीला जोरदार धडक दिली सुदैवाने गाडीमध्ये फक्त ड्रायव्हर असल्याने थोडेफार जखमी झालेले आहे.
पण हा अपघात ज्या ठिकाणी झाला त्या ठिकाणी दिवसभर मोठ्या प्रमाणात गर्दी असते त्या ठिकाणी हा अपघात दुपारच्या वेळेस झाला असता तर मोठा अनर्थ झाला असता अशी चर्चा यानिमित्ताने सुरू झाली आहे. यामुळे मुक्ताईनगर मधील अवजड वाहतुकीचा प्रश्न पुन्हा एकदा समोर आला आहे. आता तरी या घटनेने अवजड वाहतूक बंद होईल का असा प्रश्न लोक उपस्थित करत आहेत
