SSC & HSC Exam : १० वी १२ वी च्या बोर्ड परीक्षांचे वेळापत्रक जाहीर
पुणे, मंडे टु मंडे न्युज नेटवर्क l महाराष्ट्र माध्यमिक व उच्च माध्यमिक मंडळाकडून १० वी आणि १२ बोर्ड परीक्षेचं वेळापत्रक जाहीर करण्यात आलं आहे. राज्य मंडळाचे सचिव देविदास कुल्हाळ यांनी प्रसिद्धि पत्रकाद्वारे अंतिम वेळापत्रका बाबतची माहिती दिली.जारी करण्यात आलेल्या या बोर्ड परीक्षांचे वेळापत्रका नुसार २१ फेब्रुवारी रोजी दहावीची परीक्षा होणार आहे. बारावीची लेखी परीक्षा ११ फेब्रुवारी ते १८ मार्च या कालावधीत, तर दहावीची लेखी परीक्षा (SSC) २१ फेब्रुवारी ते १७ मार्च या कालावधीत घेतली जाणार असून, दरवर्षीच्या तुलनेत यंदा सुमारे आठ ते दहा दिवस परीक्षा लवकर होत असल्याचे स्पष्ट झाले आहे.
महाराष्ट्र बोर्डाची परीक्षा दोन शिफ्टमध्ये घेण्यात येत असून पहिली शिफ्ट सकाळी ११ :०० ते दुपारी २:०० आणि दुसरी शिफ्ट दुपारी ३ :०० ते संध्याकाळी ६:०० पर्यंत असणार आहे. दहावीची परीक्षा पहिल्या दिवशी मराठी भाषेच्या पेपरने सुरू होईल आणि बारावीच्या परीक्षेचा पहिला पेपर इंग्रजीचा असेल. महाराष्ट्र बोर्डाच्या अधिकृत वेबसाइट mahahsscboard.in वर जाऊन विद्यार्थी वेळापत्रक डाउनलोड करू शकतात. तसेच, दहावी आणि बारावी बोर्ड परीक्षांचे प्रवेशपत्र जानेवारी २०२५ मध्ये जारी करण्यात येणार असून महाराष्ट्र मंडळाच्या अधिकृत संकेतस्थळावर हॉल तिकीट प्रसिद्ध केले जाईल.
