SSC, HSC Exam : महत्त्वाची बातमी, दहावी आणि बारावी च्या परीक्षेच्या तारखा जाहीर
मुंबई, मंडे टु मंडे न्युज नेटवर्क l महाराष्ट्र राज्य माध्यमिक आणि उच्च माध्यमिक शिक्षण मंडळाने फेब्रुवारी-मार्च २०२५ मध्ये होणाऱ्या दहावी आणि बारावीच्या परीक्षेच्या संभाव्य तारखा जाहीर केल्या असून, त्यानुसार बारावीच्या परीक्षांना ११ फेब्रुवारीपासून, तर दहावीच्या परीक्षांना २१ फेब्रुवारीपासून सुरुवात होणार आहे. या परीक्षा १० दिवस लवकर सुरू होत आहे.
विद्यार्थ्यांना परीक्षांच्या तयारीसाठी पुरेसा कालावधी मिळावा, या उद्देशाने हे संभाव्य वेळापत्रक जाहीर करण्यात आले आहे. वेळापत्रकानुसार बारावीची परीक्षा ११ फेब्रुवारी ते १८ मार्च या काळात होणार आहे. तर दहावीची परीक्षा २१ फेब्रुवारी ते १७ मार्च या काळात होणार आहे. राज्य माध्यमिक आणि उच्च माध्यमिक मंडळातर्फे याबाबत प्रसिद्धीपत्रक जारी करण्यात आले आहे. विद्यार्थ्यांच्या पुढील शैक्षणिक वर्षाची प्रवेश प्रक्रिया वेळेत होण्यासाठी दहावी आणि बारावीच्या परीक्षा वेळेत होणे आवश्यक असते. तसेच अनेक व्यावसायिक अभ्यासक्रमांच्या प्रवेश परीक्षा मंडळाच्या परीक्षेनंतर होतात.
असे असणार वेळापत्रक
-लेखी आणि प्रात्यक्षिक परीक्षा संभाव्य कालावधी – उच्च माध्यमिक प्रमाणपत्र (इयत्ता १२वी) परीक्षा (सर्वसाधारण व द्विलक्षी विषय) व उच्च माध्यमिक व्यवसाय अभ्यासक्रम – ११ फेब्रुवारी २०२५ ते १८ मार्च २०२५
-प्रात्यक्षिक, श्रेणी, तोंडी परीक्षा व अंतर्गत मूल्यमापन – २४ जानेवारी २०२५ ते १० फेब्रुवारी २०२५
-माध्यमिक शालान्त प्रमाणपत्र (इयत्ता १०वी) परीक्षा – २१ फेब्रुवारी २०२५ ते १७ मार्च २०२५
-प्रात्यक्षिक, श्रेणी, तोंडी परीक्षा व अंतर्गत मूल्यमापन – ३ फेब्रुवारी २०२५ ते २० फेब्रुवारी २०२५
बातम्यांच्या अपडेट मिळवण्यासाठी आम्हाला फॉलो करा
