खडसे महाविद्यालयात शिक्षक दिन व श्रीचक्रधरस्वामी जयंती साजरी ….
मुक्ताईनगर, मंडे टू मंडे न्युज प्रतिनिधी l मुक्ताईनगर येथील श्रीमती जी.जी. खडसे महाविद्यालयात मराठी विभाग व राष्ट्रीय सेवा योजना एककाच्या वतीने शिक्षक दिन व श्रीचक्रधर स्वामी जयंती साजरी करण्यात आली.याप्रसंगी कार्यक्रमाचे अध्यक्ष महाविद्यालयाचे प्राचार्य डॉ. एच. ए. महाजन हे होते.
प्राचार्य डॉ महाजन यांनी आपल्या अध्यक्षीय भाषणातून उपस्थितांसमोर शिक्षक दिनाचे महत्त्व विशद केले, तसेच श्रीचक्रधर स्वामी यांच्या जीवनाचा व कार्याचा आढावा उदाहरणादाखल उलगडून दाखविला व त्यांच्या कार्याचा आदर्श घेण्याचे आवाहन केले.त्यांच्या शुभहस्ते प्रतिमा पूजन करण्यात आले.
कार्यक्रमाचे प्रास्ताविक राष्ट्रीय सेवा योजना कार्यक्रमाधिकारी प्रा. डॉ. दीपक बावस्कर यांनी केले, सूत्रसंचलन डॉ. छाया खर्चे (मराठी विभाग) यांनी केले.तर रासेयो सहाय्यक कार्यक्रमाधिकारी डॉ. के. एन. गायकवाड यांनी आभार प्रदर्शन केले. या कार्यक्रमाप्रसंगी महाविद्यालयातील प्राध्यापक वृंद, कर्मचारी वृंद व बहुसंख्य विद्यार्थी उपस्थित होते.
