रेल्वे रुळावर अनोळखी इसमाचा मृतदेह आढळला
जळगाव (प्रतिनिधी)। माहिजी तालुका पाचोरा येथील रेल्वे स्टेशनजवळील रेल्वे रुळावर शुक्रवार रोजी ४० वर्षीय अनोळखी इसमाचा मृतदेह आढळून आला असून याप्रकरणी रेल्वे पोलिसांत अकस्मात मृत्यूची नोंद करण्यात आली आहे.
याबाबत अधिक माहिती अशी की, पाचोरा तालुकयातील माहिजी रेल्वे स्टेशनजवळी अप लाईनवरील खांबार क्रमांक ३८८/ ४ व ६ च्या दरम्यान एका ४० वर्षीय अनोळखी इसमाचा मृतदेह रुळावर पडलेला असल्याची माहिती रेल्वे पोलिसांना मिळाली. दरम्यान योगेश आडकणे व अनिल नायडु यांनी तात्काळ घटनास्थळी धाव घेत मृतदेहाची तपासणी करीत ओळख पटविण्याचा प्रयत्न केला. परंतु त्याच्याकडे काहीच मिळून न आल्याने रेल्वेतून पडून त्याचा मृत्यू झाल्याची शक्यता त्यांच्याकडून वर्तविण्यात आली आहे. पोलिसांनी त्याचा मृतदेह शवविच्छेदन करण्यासाठी शासकीय वैद्यकीय महाविद्यालयात दाखल केला आहे. याप्रकरणी माहिती रेल्वे स्टेशन प्रबंधकाच्या खबरीवरुन रेल्वे पोलीसात अकस्मात मृत्यूची नोंद करण्यात आली आहे. पुढील तपास योगेश अडकणे हे करीत आहे.
