खळबळजनक : दाम्पत्याला ७ जणांनी जंगलात नेवून मारहाण करत लुटले !
मुक्ताईनगर, मंडे टू मंडे न्यूज प्रतिनिधी : एका दाम्पत्याला लंघूशंकेसाठी रस्त्यावर थांबलेले असतांना सात ते आठ जणांनी जंगलात नेवून मारहाण करत विवाहितेच्या अंगावरील सोने चांदीच्या दागिन्यासह रोकड असा एकुण ३७ हजार २०० रूपयांचा मुद्देमाल जबरी लुटून नेल्याचा धक्कादायक प्रकार घडल्याने खळबळ उडाली आहे.
तालुक्यातील माळेगाव शिवारातील कालिंका माता मंदीराच्या पुढे जवळ पंकज रामसिंग राठोड (वय २१) व पत्नी सपना रा. जोंधनखेडा ता. मुक्ताईनगर हे दाम्पत्य बुधवारी १७ ऑगस्ट रोजी दुपारी १२ वाजेच्या सुमारास रस्त्याने जात होते. त्यावेळी पती-पत्नी हे लघुशंकेसाठी थांबले असता त्याचवेळी बहादू, तोरे, आणि प्रताप याच्यासह इतर ७ अनोळखी जाण येवून दोन्ही पती-पत्नीला जंगलात नेवून बेदम मारहाण केली.
तर पत्नी सपनाच्या आंगावरील सोने चांदीचे दागिने व बाराशे रूपयांची रोकड असा एकुण ३७ हजार २०० रूपयांचा मुद्देमाला जबरी चोरून नेला आहे. याप्रकरणी दाम्पत्याने मुक्ताईनगर (Muktainagar) पोलीसात दिलेल्या तक्रारीवरून गुन्हा दाखल करण्यात आला आहे. या गुन्ह्यातील सात संशयित आरोपींना पोलीसांनी अटक केली आहे. पुढील तपास पोलीस करीत आहे.
