ब्रेकिंग : प्रसिद्ध बांधकाम व्यावसायिकाचे अपहरण
Monday To Monday News Network |
नाशिक, मंडे टू मंडे न्युज प्रतिनिधि| नाशिकमधून (Nashik) सध्या मोठी बातमी समोर येत असून प्रसिद्ध बांधकाम व्यावसायिक आणि गजरा ग्रुपचे प्रमुख हेमंत पारख यांचे अपहरण झाल्याने सर्वत्र खळबळ उडाली आहे. शहरातील इंदिरानगर भागात हे वास्तव्यास होते. हेमंत पारख यांचे राहत्या घरासमोरुन शनिवारी रात्री साडे नऊ वाजेच्या सुमारास अपहरण (kidnapping) करण्यात आल्याचे सांगण्यात येत आहे.
मिळालेल्या माहितनुसार, रात्रीच्या वेळी पारख घराबाहेर असताना अचानक काही अज्ञात इसम पारख यांच्या घरासमोर आले. या संशयित व्यक्तींनी पारख यांना चारचाकीत टाकून पळ काढला. काही संशयित चारचाकीत होते तर, उर्वरित काही जण दुचाकीवर होते. दरम्यान, पोलिसांनी घटनास्थळी धाव घेऊन तपास सुरू केला आहे. या सर्व प्रकारामुळे नाशक शहरात खळबळ उडाली आहे.
पोलीस आयुक्त अंकुश शिंदे यांच्या वरिष्ठ पोलिसांचा ताफा घटनास्थळी लागलीच पोहचला. पोलिसांनी तत्काळ तपास घेण्यास सुरुवात केली असून, परिसरातील सीसीटीव्ही तपासून अपहरणकर्त्यांचा शोध घेण्यासाठी पोलिसांची विविध पथके रवाना करण्यात आली आहेत. या सर्व प्रकारातून नाशिकरांच्या सुरक्षेचा प्रश्न निर्माण होत आहे. अपहरण नेमकं कोणत्या कारणासाठी करण्यात आले, याबाबत अद्याप माहिती मिळू शकली नाही.
