दुचाकींची समोरासमोर धडक २ जण ठार तर १ जण जखमी
मंडे टू मंडे वृत्तसंकलंन।
जामनेर, मंडे टू मंडे वृत्तसेवा। तालुक्यातील शेंदुर्णी-गोदेगाव जवळ रविवारी सायंकाळी ६:३५ वाजेच्या सुमारास दुचाकींची एकमेकांना समोरासमोर धडकल्याने झालेल्या अपघातात २ जण ठार तर १ जण जखमी झाल्याची घटना घडली.
याबाबत अधिक असे, तालुक्यातील जोगलखेडा येथे रविवारी दीपक रामदास गायकवाड वय ३० रा.घाटांब्री ता.सिल्लोड जि. औरंगाबाद हा मित्र कृष्णा उत्तम सोनवणे रा. डकला.ता.सिल्लोड यांच्यासोबत दुचाकीने त्याची येथील बहीण राधाबाई हिच्या भेटीसाठी गेला होता. तेथून परतत असताना शेंदुर्णी गावाजवळ समोरून भरधाव येणाऱ्या दुसऱ्या दुचाकीने धडक दिल्याने झालेल्या अपघातात दीपक व धडक देणाऱ्या दुचाकीवरील दिनेश मदन जाधव या दोघांचा जागीच मृत्यू झाला तर कृष्णा हा जखमी झाला असून त्याला पुढील उपचारार्थ खाजगी रूग्णालयात दाखल करण्यात आले आहे.
या अपघातात दीपक रामदास गायकवाड वय ३० रा.घाटांब्री ता.सिल्लोड जि. औरंगाबाद व दिनेश मदन जाधव वय २३ रा गोंदेगाव तांडा अशी मयतांची नावे आहेत. तर या अपघातात कृष्णा उत्तम सोनवणे रा. डकला.ता.सिल्लोड हा जखमी झाला आहे.
