गणपती विसर्जन मिरवणुकीत ट्रॅक्टर खाली चिरडून तीन बालकांचा जागीच मृत्यू
मंडे टू मंडे न्युज नेटवर्क l राज्यभरात आज भक्तिमय वातावरणात गणपती बाप्पा ला निरोप देण्यात येत आहे. आणि गणपती बाप्पा ला निरोप देत असताना एक धक्कादायक दुर्दैवी घटना घडली. गणपती विसर्जन मिरवणुकीत ट्रॅक्टर खाली आल्याने तीन बालकांचा जागीच मृत्यू झाल्याची दुर्घटना धुळे तालुक्यातील चितोड येथे घडली.त्यात आणखी सहा गणेश भक्त गंभीर जखमी झाले आहेत.
धुळ्या जवळ चितोड या गावात एकलव्य मित्र मंडळाच्या गणपती विसर्जन मिरवणुकीत ही घटना घडली. मिरवणुकीत गाण्याच्या तालावर कार्यकर्ते नाचत असताना त्याच वेळी एका मद्यधुंद दुसऱ्या चालकाने दारूच्या नशेत अचानक ट्रॅक्टर सुरू केले. त्या ट्रॅक्टर खाली तीन लहान बालकांचा जागीच मृत्यू झाला. त्यात दोन मुले व एक मुलगी चा समावेश असून सहा जण गंभीर जखमी असल्याची माहिती मिळत आहे. तत्काळ जखमींना शासकीय रुग्णालयात दाखल करण्यात आले असून धुळे पोलिस तपास करीत आहेत.
