मुक्ताईनगरातील प्रवर्तन चौकातिला स्मारकाला गुरांची वाहतूक करणाऱ्या ट्रकची धडक : जमावाकडून दगडफेक !
मुक्ताईनगर, प्रतिनिधी : शहरातील प्रवर्तन चौकातील स्मारकाला आज रात्री गुरे घेऊन जात असलेल्या ट्रकने धडक दिल्याने संतप्त जमावाने दगडफेक सुरू केल्यामुळे वातावरण तणावग्रस्त बनले असून डीवायएसपी घटनास्थळी धाव घेऊन वातावरण शांत करण्याचा प्रयत्न करत आहे मात्र, सदरील प्रकरणाचा काही पोलीस कर्मचाऱ्यांनकडून पत्रकारांना वृत्तसंकलन करण्यास मज्जाव करण्यात येत असल्याने अनेक प्रश्न उपस्थित होत आहे.
मुक्ताईनगर शहरातील प्रवर्तन चौकातील मध्यभागी महापुरूषांचे स्मारक असून आज रात्री साडेनऊ वाजेच्या सुमारास गुरे वाहून नेणार्‍या एका ट्रकने स्मारकाच्या कंपाऊंडला धडक दिली. सदरील बातमी शहरातच पसरताच येथे जमाव जमला आणि जमावाने दगडफेक सुरू केली. पोलिसांनी घटनास्थळी दाखल झाले असून पोलिसांनी सौम्य लाठीमार करून जमावाला पळवून लावण्याचा प्रयत्न केला, परंतु यात प्रसार माध्यमानाही वृत्तसंकलन करू दिले जात नसल्याचेही चित्र आहे. यामुळे गुरे वाहून नेणारी गाडी अवैध वाहतूक आहे की नाही याबाबत माहिती कळू शकली नाही.
सदरील ट्रकमध्ये स्वार असलेल्यांनाही बाहेर काढण्यात आले असून शेवटचे वृत्त हाती आले तेव्हा डीवायएसपी विवेक लावंड यांनी परिस्थितीत नियंत्रणात असून दरम्यान, प्रवर्तन चौकातील स्मारकाच्या मुख्य पुतळ्यांचे नुकसान झालेले नसून स्मारकाच्या ओट्याचे नुकसान झाल्याची प्राथमिक माहिती समजत आहे. डीवायएसपी विवेक लावंड हे घटनेवर लक्ष ठेऊन आहे.
