सावदा येथे अज्ञात वाहनाने धडक दिल्याने दुचाकीस्वाराचा मृत्यू !
सावदा ता.रावेर (प्रतिनिधी)। अज्ञात वाहनाने सावदा शहराजवळील कब्रस्थान जवळ दुध घेण्यासाठी जात असलेल्या दुचाकीस्वाराला समोरून धडक दिल्याने दुचाकीस्वार ठार झाल्याची घटना घडली आहे.
याबाबत सविस्तर माहिती अशी की, मंगळवारी (एमएच १९ एडी २३४७) या दुचाकीने विजय पंढरीनाथ चौधरी (वय ६८) वर्ष रा. वाघोदा खुर्द हे सावदा येथे दूध घेण्यासाठी जात होते या दरम्यान शहराजवळील कब्रस्थानच्या जवळ समोरून येत असलेल्या अज्ञात वाहनाने जोरदार धडक दिल्याने दुचाकीवाहक चौधरी गंभीर जखमी झाले त्यामुळे त्यांना परिसरातील नागरिकांनी तातडीने खाजगी दवाखान्यात दाखल केले असता डॉक्टरांनी त्यांना मृत असल्याचे सांगितले. अज्ञात वाहनचालकाच्या विरोधात सावदा पोलीस ठाण्यात अतूल देशमुख रा. जळगाव मयताचे जावाई यांच्या फिर्यादीवरून गुन्हा नोंद करण्यात आल असून पुढील तपास सावदा पोलिसांकडून करण्यात येत आहे.
