उद्धव ठाकरे हे नरेंद्र मोदी यांची भेट घेण्यासाठी मेसेज पाठवतायं : त्यांना NDA मध्ये यायचंयं ; मंत्र्यांचा खळबळजनक दावा
मुंबई, मंडे टु मंडे न्युज नेटवर्क I उद्धव ठाकरे यांना राष्ट्रीय लोकशाही आघाडी अर्थात NDA मध्ये यायचे आहे. गेल्या काही दिवसांपासून उद्धव ठाकरे यांच्याकडून पंतप्रधान मोदी यांना भेटण्यासाठी प्रयत्न सुरु आहेत. त्यासाठी उद्धव ठाकरे हे विविध लोकांच्या माध्यमातून पंतप्रधान नरेंद्र मोदी यांच्यापर्यंत मेसेज पाठवत आहेत, असा खळबळजनक दावा राज्याचे शिक्षणमंत्री,व शिंदे गटाचे नेते दीपक केसरकर यांनी केला.
दीपक केसरकर यांनी यावेळी उद्धव ठाकरे यांच्याबाबत एक सनसनाटी दावा केला. उद्धव ठाकरे यांना एनडीएमध्ये यायचं आहे. त्यासाठी ते विविध लोकांच्या माध्यमातून पंतप्रधान नरेंद्र मोदी यांची भेट घेण्यासाठी मेसेज पाठवत आहेत, असा खळबळजनक दावा मंत्री केसरकर यांनी केला आहे.
