ब्रेकिंग : जळगाव मध्ये गोळीबार, घटना सीसीटीव्ही कॅमेऱ्यात कैद
जळगाव, मंडे टू मंडे न्युज नेटवर्क l जळगाव शहरातील भास्कर मार्केट समोर असलेल्या हॉटेल शालिमार बियर बार मध्ये दारू पित टेबलावर बसलेल्या एका तरुणाने गोळीबार केल्याची घटना दि.२७ मंगळवार रोजी संध्याकाळी ७ वाजेच्या सुमारास घडली. मोठा आवाज झाल्याने हॉटेल मधील कर्मचारी घाबरले. ही घटना सीसीटीव्ही कॅमेऱ्यात कैद झाली असून पोलीस तपास सुरू झाला आहे. शहरातील जिल्हापेठ पोलीस ठाण्याच्या हद्दीत असलेल्या शालिमार हॉटेलमध्ये पोलिसांमध्ये हाणामारी झाल्याची क्लिप सोशल मीडियावर वायरल झाल्याची कालची घटना ताजी असतानाच त्याच हॉटेल मध्ये ही घटना घडली.
जळगाव शहरातील भास्कर मार्केट परिसरात असलेल्या हॉटेल शालिमार बियर बार मध्ये काही तरुण मंगळवारी मद्यप्राशन करीत बसले होते. बियर बार मध्ये दारू पित असताना त्यांच्यामध्ये वाद झाला. त्या नंतर ७ वाजेच्या सुमारास एका तरुणाने टेबलाच्या खाली १ राउंड फायर केला. गोळीबार नंतर लागलीच सर्वजण हॉटेल बाहेर निघून पळून गेले.
घडलेली घटना हॉटेलमध्ये लगेच लक्षात आली नाही. पोलिसांना याची माहिती मिळताच जिल्हापेठ पोलीस त्याठिकाणी पोहचले आणि त्यांनी चौकशीला सुरुवात केली. हॉटेलमध्ये रिकामा राऊंड सापडला असून घटना सीसीटीव्ही कॅमेऱ्यात कैद झाली आहे. दरम्यान, फायरिंग करणारा आणि इतरांची ओळख पटली असून भूषण सपकाळे याने हा गोळीबार केल्याचे निष्पन्न झाले पोलीस त्यांचा शोध घेत आहे.
