रावेर तालुक्यातील निंभोरा येथील तरुणाचा खानापूर जवळ झालेल्या अपघातात मृत्यू
रावेर, मंडे टु मंडे न्युज नेटवर्क l रावेर तालुक्यातील निंभोरा येथे मजुरी करणाऱ्या तरुणाला खानापूर या गावा जवळ भरधाव अज्ञात वाहनाने दि. २१ मे मंगळवार रोजी सकाळी ६ वाजेच्या सुमारास जबर धडक दिल्याने या धडकेत त्याचा मृत्यू झाला.
रावेर तालुक्यातील निंभोरा येथे एका व्यापाऱ्याकडे मजुरी करणारा सुमेर मालसिंग कणसे, वय ३० वर्ष , मूळ रा. मांडवा ता. नेपानगर जि. बऱ्हाणपूर, ह. मु. निंभोरा ता. रावेर. हा काही दिवसांपूर्वी सुटीवर घरी आला होता. सुटी आटोपून तो घरून मंगळवारी दि. २१ मे रोजी पहाटे कामावर जाण्यासाठी निघाला होता. खानापूर गावाजवळ आला असता त्याला भरधाव वाहनाने जबर धडक दिली. धडकेत तो गंभीर जखमी होऊन मयत झाला. त्याचा मृतदेह जळगाव येथे शासकीय वैद्यकीय महाविद्यालय व रुग्णालयात नेण्यात आला. तेथे शवविच्छेदन करून मृतदेह नातेवाईकांच्या ताब्यात देण्यात आला. या बाबत पोलिस स्टेशनला गुन्हा नोंद करण्यात आला आहे.
