घटस्थापनेच्या पूर्वसंध्येला स्थापनेची तयारी करताना विजेचा धक्का लागून तरुणाचा मृत्यू
जळगाव, मंडे टू मंडे न्युज नेटवर्क l नवरात्री निमित्त घटस्थापनेची तयारी करताना घटस्थापनेच्या पूर्वसंध्येला विजेचा जबर धक्का लागून चोपडा तालुक्यातील गरताड येथील केतन समाधान पाटील या १९ वर्षीय युवकाचा मृत्यू झाल्याची घटना दिनांक २ ऑक्टोबर बुधवार रोजी रात्री ९ वाजेच्या सुमारास घडली.
चोपडा येथील फार्मसी महाविद्यालयात शिकत असलेला गरताड येथील १९ वर्षीय केतन समाधान पाटील हा दिनांक २ ऑक्टोबर बुधवार रोजी दुर्गा देवीच्या घटस्थापनेची तयारी करत होता. या वेळी त्यास विजेचा जबर धक्का लागल्याने त्याचा जागीच मृत्यू झाल्याची दुर्दैवी घटना बुधवारी रात्री ९ वाजेच्या सुमारास घडली.मयत केतन पाटील याला तत्काळ चोपडा उपजिल्हा रुग्णालयात दाखल करण्यात आले. परंतु, डॉक्टरांनी तपासणी अन्ती त्याला मयत घोषित केले. केतन पाटील हा समाधान मधुकर पाटील यांचा एकुलता एक मुलगा होता. या दुर्दैवी घटनेमुळे गरताड गावात शोककळा पसरली आहे.
