” तुझ्याशी काम आहे ” असे सांगून अल्पवयीन मुलीवर अत्याचार
मंडे टू मंडे वृत्तसंकलन।
वरणगाव,ता.भुसावल,मंडे टू मंडे न्युज वृत्तसेवा। भुसावल तालुक्यातील एका अल्पवयीन मुलीला तुझ्याशी काम आहे असे सांगून गाडीवर बसवून नेऊन मुलीवर अत्याचार केल्याची धक्कादायक घटना ११ एप्रिल रोजी उघडकीस आली .
या बाबत मिळालेली अधिक माहिती अशी की, मजीद शहा हमीदशहा ,वय २१,याने तुझ्याशी काम आहे असे सांगुन पीडित अल्पवयीन मुलीला मोटार सायकलवर बसवुन वरणगाव बोदवड नागेश्वर मंदिराजवळ घेऊन गेला. तेथील रोडच्या बाजूस असलेल्या खड्यात नेवून रोडवर त्याचा मित्र रज्जाक शहा फत्तू शहा ,वय २५,आणि एकाला लक्ष देण्यास सांगुन मजिद याने तिच्यावर येथेच अत्याचार केला. या बाबत वरणगाव पोलीस स्टेशनला मजीद शहा हमीदशहा ,वय २१,रज्जाक शहा फत्तू शहा,याच्यासह एका अल्पवयीन मुलावर गुन्हा दाखल करण्यात येऊन यातील दोघांना अटक करण्यात आली आहे.
