विठुरायाच्या भक्तांवर काळाचा घाला, ५४ भाविकांनी खचाखच भरलेल्या बसचा भीषण अपघात, पाच भाविकांचा मृत्यू, मृतांचा आकडा वाढण्याची भीती
पंढरपूर, मंडे टु मंडे न्युज नेटवर्क l आताच एक मोठी अपघाताची दुर्दैवी बातमी समोर आली आहे. आषाढी एकादशीनिमित्त पंढरपूरला जाणाऱ्या भक्तांच्या बसचा भीषण अपघात होऊन यात ५ भाविकांचा मृत्यू झाला असून ४९ भाविक जखमी झाले आहेत. जखमी भाविकांपैकी सात ते आठ जणांची प्रकृती गंभीर असल्याची माहिती मिळत असून मृतांचा आकडा वाढण्याची भिती व्यक्त केली जात आहे. या बसची धडक एका ट्रॅक्टरला झाल्याने बस थेट रस्त्याच्या खाली पलटी झाली. अपघातग्रस्त वाहनातील सर्व भाविक हे डोंबिवली नीलजे लोढा येथील रहिवासी असल्याची माहिती मिळत असून मध्य रात्री एकच्या सुमारास मुबई-पुणे एक्स्प्रेस वे वर पनवेल तालुक्याच्या हद्दीमध्ये हा अपघात घडला आहे.
मिळालेल्या माहितीनुसार, मुबई पुणे एक्स्प्रेस वे वर पनवेल तालुका हद्दीत पंढरपूर येथे जाणाऱ्याव ५४ प्रवाशी भाविकांच्या बसला रात्री एकच्या सुमारास भीषण अपघात झाला. ५४ भाविकांनी भरलेल्या बसची धडक एका ट्रॅक्टरला झाल्याने बस थेट रस्त्याच्या खाली पलटी झाली. या भीषण अपघातात ५ भाविकांचा मृत्यू झाला असून ४९ भाविक जखमी झाले आहेत त्या पैकी ८ भाविकांची प्रकृती गंभीर असल्याची माहिती मिळत आहे. तसेच मृतांचाही आकडा वाढण्याची भीती व्यक्त केली जात आहे.जखमींना स्थानिकांच्या मदतीनं उपचारासाठी एमजीएम रुग्णालयात दाखल करण्यात आलं आहे.
