विवरे बु॥ जी.प.शाळा व्यवस्थापन समिती अध्यक्षपदी शिवाजी सोनार,दिनेश टेम्पे बिनविरोध
मंडे टू मंडे वृत्तसंकलन।
रावेर,मंडे टू मंडे वृत्तसेवा। विवरे बु॥ येथील जिल्हा परिषद मराठी मुलांची व मुलींच्या शाळा व्यवस्थापन समितीच्या निवड साठी माजी सरपंच वासुदेव नरवाडे यांच्या अध्यक्षतेखाली तसेच सरपंच युनुस तडवी, सेवानिवृत्त मुख्याध्यापक सुरेश पाचपांडे यांचे प्रमुख उपस्थितीत पालकांची बैठक घेऊन शाळा व्यवस्थापन समितीची निवड करण्यात आली.या पालक बैठकीत मुलांच्या शाळा व्यवस्थापन समिती अध्यक्षपदी शिवाजी मुरलीधर सोनार (पोतदार) यांची तर मुलींच्या शाळा व्यवस्थापन समिती अध्यक्षपदी दिनेश बिनविरोध निवड बैठकीचे अध्यक्ष वासुदेव नरवाडे यांनी घोषीत केली.
नवनिर्वाचित अध्यक्षांचा व समिती सदस्यांचा पुष्प गुच्छ देवून सरपंच युनुस तडवी व मान्यवरांचे हस्ते सत्कार करण्यात आला. यावेळी बैठकीला ग्रा.प. सदस्य विनोद मोरे,समाधान गाढे ,बाळू वाघोदे, वासुदेव सोनवणे,देवेंद्र अहिरे, मुरलीधर जिरीमाळी,बबलू तडवी,किरण सावळे,अनिल भराडी, मुख्याध्यापिका फातमा तडवी, सौ मिना कोल्हे, शिक्षिका सौ.मिना पाटील, सौ सावकारे , विजय कोल्हे,अविनाश बागुल यांचे सह शिक्षक व पालक उपस्थित होते. कार्यकमाचे सुत्रसंचलन विजय कोल्हे यांनी तर प्रास्ताविक अविनाश बागुल यांनी केले. सौ मिनाक्षी पाटिल यांनी आभार मानले.
