मुक्ताईनगर येथे कृषी विभागामार्फत रानभाजी महोत्सव !
मुक्ताईनगर, मंडे टू मंडे न्युज प्रतिनिधी : मुक्ताईनगर येथे कृषी विभाग महाराष्ट्र शासन कृषी विभागामार्फत रानभाजी महोत्सवाचे आयोजन करण्यात आले असून परिसरातील शेतकऱ्यांचा चांगला प्रतिसाद मिळाला आहे.
लोकांना रानभाज्यांचे महत्त्व कळावे व दैनंदिन आहारात त्यांचा समावेश व्हावा याकरिता मुक्ताईनगर येथे रानभाजी महोत्सवाचे आयोजन कृषी विभाग महाराष्ट्र शासन तालुका कृषी अधिकारी मुक्ताईनगर यांच्यामार्फत आयोजित करण्यात आले होते. कार्यक्रमात मोठ्या प्रमाणात परिसरातील शेतकऱ्यांनी भेट दिली. कार्यक्रमात तालुक्यातील शेतकऱ्यांनी आपल्या निविष्ठा विक्रीस ठेवल्या.
सदरील कार्यक्रमाला मफदा चे अध्यक्ष विनोद तराल, सौ. रोहिणी खडसे खेवलकर, तहसीलदार श्वेता संचेती, तालुक्याचे पोलीस निरीक्षक शंकर शेळके व इतर अधिकारी पदाधिकाऱ्यांनी भेट दिली. कार्यक्रमात तालुका कृषी अधिकारी अभिनव माळी, मंडळ कृषी अधिकारी नितीन पगार, कृषी पर्यवेक्षक अशोक पाटील व सर्व कृषी विभागाचे कर्मचारी वृंदा उपस्थित होते.
