Yawal : धावत्या प्रवाशी बसवर झाड कोसळल्याने १२ प्रवासी जखमी !
यावल – मंडे टू मंडे न्यूज वृत्तसेवा : यावलकडून भुसावळकडे प्रवाशांना घेवून जात असलेल्या भरधाव बसवर अचानक रस्त्यालगतचे मोठे झाड कोसळल्याची घटना आज दुपारी घडली असून यात बसमधील १२ प्रवाशी जखमी झाले. जखमींना तातडीने यावल ग्रामीण रूग्णालयात उपचारार्थ दाखल करण्यात आले आहे.
आज दुपारी २ वाजेच्या सुमारास यावल आगाराची बस क्रमांक एमएच २० बीएल २५४२ ही यावलकडून भुसावळकडे जात असतांना रस्त्यावरील पाटचारीजवळ अचानक मोठे झाड बसवर कोसळले. यात चालकासह १२ जण जखमी झाले असून जखमींना तातडीने यावल ग्रामीण रूग्णालयात दाखल करण्यात आले आहे. घटनेची माहिती मिळाल्यानंतर यावल पोलीस ठाण्याचे पोलीस कर्मचारी, यावल आगार प्रमुख जितेंद्र जंजाळ यांच्यासह कर्मचाऱ्यांनी ग्रामीण रूग्णालयात धाव घेतली. जखमींवर वैद्यकीय अधिकारी डॉ. बी.बी.बारेला व डॉ. मनिषा महाजन यांनी उपचार सुरू केले.
या अपघातात पद्माबाई रमेश कोळी, मंगला रामदास चौधरी, इच्छाराम टिकाराम राजपूर रा. सांगवी खुर्द, पंडित लक्ष्मण परणकर रा. यावल, शकुंतला विलास चौधरी रा. धानोरा,, नीलम शैलेंद्र पाटील, सुशिलाबाई किसन धनगर रा. मुक्ताईनगर, सुरेश पंढरीनाथ महाजन रा. यावल, कल्पना संतोष चौधरी, दीपक येवलू वानखेडे, जोवरा रशीद खाटीक रा. आडावद असे १२ जण जखमी झाले आहेत.
