यावल जवळ ट्रॅक्टरच्या धडकेत दुचाकीस्वार जागीच ठार
मंडे टू मंडे वृत्तसंकलन।
यावल (प्रतिनिधी)। येथून जवळच असलेल्या तालुक्यातील अंजाळे घाटात ट्रॅक्टरने दुचाकीला जोरदार धडक दिल्याने भीषण अपघात झाला असून या घटनेत दुचाकीस्वार जागीच ठार झाला आहे.
अधिक माहीती अशी की, प्रदीप चावदस तायडे २९ वर्षीय रा. भालशिव ता.यावल शनिवार दि.६ रोजी आपल्या गावी येण्यासाठी सायंकाळी ४ वाजेच्या सुमारास भुसावळकडुन भालशिवला दुचाकी क्रमांक (MH 19 DM 9429) या वाहनाने येत असतांना भुसावळ रोडवरील अंजाळे घाटात समोरून येणाऱ्या ट्रॅक्टर चालक रावेर तालुक्यातील चोरवड येथील ज्ञानेश्वर शिवराम कोळी ट्रॅक्टर क्रमांक (MH 19 P 2953) यांने आपल्या ताब्यातील ट्रॅक्टर वाहनाने रस्त्याच्या समोरून येणाऱ्या दुचाकीस्वार प्रदीप चावदस तायडे याला ट्रॅक्टरने जोरदार धडक देत चेंगरला गेल्याने जागीच मृ्त्यु झाला आहे. याप्रकरणी भालशिव येथील रहिवासी शांताराम चावदस तायडे यांनी फिर्याद दिल्याने ट्रॅक्टर चालकाविरूद्ध गुन्हा दाखल करण्यात आला आहे. पुढील तपास पोलीस निरिक्षक वाकोडे यांच्या मार्गदर्शनाखाली पोलीस उपनिरिक्षक अजमल पठान हे करीत आहे.
