शेतमजूर महिलेवर चाकू हल्ला; आरोपी फरार
मंडे टू मंडे वृत्तसंकलन।
यावल (प्रतिनिधि)। तालुक्यातील किनगाव येथील महीलेवर एकाने आडगाव शिवारातील शेतात कामाला गेलेली असतांना पोटात चाकुने वार करून गंभीर जखमी केल्याची धक्कादायक घटना घडली आहे.
आडगाव शिवारातील विनय साहेबराव पाटील यांच्या शेतात किनगाव येथील २८ वर्षीय शेतमजूर महीला कामास गेली होती याच गावातील राहणारा चंद्रकांत वसंत खलसे या ४५ वर्षीय अविवाहीत इसमाशी या महिलेचा शेतात वाद झाल्याने खलसे यांनी चाकुने मानेवर व डाव्या हातावर वार करून महीलेचे डोके दगडाने फोडल्याची धक्कादायक घटना घडली या बाबत शेतमालक विनय पाटील यांनी यावल पोलीसात तक्रार दाखल केल्याचे सांगण्यात आले मात्र रात्री उशिरापर्यंत गुन्हा दाखल झाला नसल्याचे पोलिसांनी सांगितले . महीलेवर हल्ला करणारा फरार झाला असुन ,त्या महीलेला किनगावला प्राथमिक उपचार केल्यावर पुढील उपचारासाठी जळगाव येथील सामान्य रुग्णालयात पाठवण्यात आले आहे .
